पुणेरी टाइम्स टीम
धनगर आरक्षणाचा लढा साठ वर्षापासून सुरू आहे. ‘धनगड की धनगर’ या शब्दछलामुळे धनगर समाजाला महाराष्ट्रात एसटी प्रवर्गा (ST) मधून आरक्षण मिळत नाही. म्हणून यासाठी धनगर समाजाचे हजारो कार्यकर्ते बऱ्याच वर्षापासून संघर्ष करत आहेत. समाजाच्या मुख्य प्रवाहात यायचं असेल तर समाज हा शिक्षित व आरक्षित असलाच पाहिजे तरच प्रतिनिधित्व मिळेल. महाराष्ट्राच्या कानाकोपऱ्यात आंदोलनाची धग प्रचंड आहे. प्रत्येक समाज बांधव पोटतीडकीने लढत असून सरकार मात्र निगरगठ्ठपणे हा सर्व संघर्ष लांबून पाहत आहे. या विरोधात अजून ताकतीने आपणा सर्वांना मिळून संघर्ष करावा लागेल. आरक्षण हे प्रतिनिधित्व आहे ते धनगर समाजाला त्यांच्या हक्काचं मिळालच पाहिजे.
यशवंत सेनेच्या वतीने राजमाता अहिल्याराणी होळकर यांच्या जन्म गावी चौंडी येथे आमरण उपोषण सुरू आहे. या उपोषणास संभाजी ब्रिगेडचे अध्यक्ष अड. मनोज आखरे व महासचिव सौरभ खेडेकर यांच्या नेतृत्वाखाली आम्ही संभाजी ब्रिगेड महाराष्ट्राचे सर्व पदाधिकारी आपणास पाठिंबा देत आहोत व पुढील संपूर्ण लढ्यात आम्ही सर्व ताकतिनिशी सहभागी होऊ.असे आश्वासन संभाजी ब्रिगेड कडून देण्यात आले आहे. यापुढेही आपण जो योग्य तो निर्णय घ्याल संभाजी ब्रिगेड म्हणून आम्ही आपल्या सोबत आहोत.असे निवेदनात म्हटले आहे.सदर निवेदनावर महादेव मातोरे व संतोष शिंदे प्रवक्ते संभाजी ब्रिगेड यांच्या सह्या आहेत…
