पुणेरी टाइम्स टीम…
मनोज जरांगे पाटील यांनी अंतरावली सराटी येथील मराठा आरक्षण प्रश्नी दुसऱ्या टप्प्यातील आमरण उपोषण स्थगित केल्यानंतर उपचारानंतर तातडीने महाराष्ट्रभर दौरा करण्याचे नियोजन केले आहे. तिसऱ्या टप्प्यातील पुणे जिल्ह्यातील पहिली सभा दौंड तालुक्यातील वरवंड येथे होत आहे. सकल मराठा समाजाच्या वतीने मनोज जरांगे पाटील यांच्या सभेचे आयोजन करण्यात आले आहे. यासाठी मराठा समाज व समन्वयक समितीकडून जोरदार तयारी सुरू करण्यात आली आहे. सभास्थळाची पाहणी उपविभागीय पोलीस अधिकारी स्वप्निल जाधव तसेच पोलीस निरीक्षक हेमंत शेंडगे, नागरगोजे यांनी केली आहे. सभेची तयारी, नियोजन, कार्यक्रमाची रूपरेषा, स्वयंसेवक, स्वच्छता , पाणी, आदीबाबत समन्वयक समितीच्या बैठकीमध्ये चर्चा करण्यात आली आहे. या सभेसाठी एक लाख समाज बांधव जमा होतील असा अंदाज समन्वयक समितीकडून व्यक्त करण्यात आला आहे…
