पुणेरी टाइम्स टीम…
दौंड विधानसभेची निवडणूक रणधुमाळी अंतिम टप्प्यात आली असताना गेली महिनाभर महायुती विरुद्ध महाविकास आघाडी अशी निवडणूक आता अंतिम टप्प्यात आली आहे.
महायुतीचे उमेदवार दौंडचे आमदार राहुल कुल यांनी गेल्या महिनाभरात प्रचार यंत्रणेची धामधूम असताना देखील त्यांची मुख्य ओळख असणारे आरोग्य सेवेचे काम सुरूच ठेवल्याचे दिसून आले आहे. गेल्या महिन्याभरात त्यांनी वीस हुन अधिक रुग्णांना आरोग्य सेवेसाठी मदत केल्याचे पाहायला मिळत आहे. एखाद्या प्रचार सभेत असताना देखील त्यांना आरोग्य सेवेचा निरोप आल्यानंतर आपल्या स्वीय सहाय्यक च्या मार्फत त्यांनी संबंधित रुग्णाचे काम मार्गी लावले असून एक प्रकारे मदतीचा हात या रुग्णांना दिला आहे. आमदार राहुल कुल यांनी गेल्या दहा वर्षात रुग्णसेवेचे हजारो कामे केलेली आहेत मागील विधानसभा निवडणुकीत देखील कुलांच्या विजयात ही रुग्ण सेवेचा आशीर्वादच कामाला आल्याचे बोलले जाते. सध्या निवडणूक काळात त्यांनी केलेल्या या रुग्ण सेवेचे सर्वत्र कौतुक होताना दिसत आहे.
निवडणूक ही तात्पुरत्या स्वरूपाची असून नागरिकांच्या मदतीला उभे राहणे अत्यंत गरजेचे आहे, असे सांगत रुग्णसेवा ही माझी जबाबदारी नसून कर्तव्यच आहे असे यावेळी आमदार राहुल कुल यांनी सांगितले. एकंदरीतच निवडणुकीच्या प्रचार काळात राहुल कुल करत असलेले आरोग्य सेवेचे काम त्यांना विजयापर्यंत घेऊन जाईल असेही ज्या रुग्णांना मदत झाली त्यांचे कुटुंबीय जाहीरपणे बोलून दाखवत आहेत.
