नाशिक, 10 जून : श्री रामकृष्ण आरोग्य संस्थान संचलित विवेकानंद इन्स्टिट्युटमध्ये इलेक्ट्रिशियन (Electrician Course) कोर्सचे मोफत प्रशिक्षण दिले जाणार आहे. गरजू आणि होतकरू विद्यार्थ्यांना शिक्षणानंतर नोकरीची संधी मिळावी, यासाठी या इन्स्टिट्युटकडून ‘इलेक्ट्रिशियन कोर्स’ मोफ शिकविला (Free electrician course in Nashik) जाणर आहे. या कोर्ससंदर्भातून अधिक माहिती जाणून घेऊया…
विद्यार्थ्यांची मर्यादा किती आहे?
या प्रशिक्षणामध्ये एक बॅच असणार आहे. त्यात 30 विद्यार्थी असतील. एक बॅच पूर्ण झाल्यास तात्काळ दुसरी बॅच सुरू केली जाणार आहे. म्हणजेत एका बॅचमध्ये एकूण 30 विद्यार्थी प्रशिक्षण घेणार आहेत. प्रशिक्षणाचा कालावधी हा 3 महिन्यांचा आहे आणि दररोज २ तास प्रशिक्षण दिले जाणार आहे.
गुगल मॅपवरून साभार…
कुठे शिकवला जाणार हा कोर्स?
‘इलेक्ट्रिशियन कोर्स’ हा नाशिक शहराच्या अगदी मध्यवर्ती ठिकाणी मेहेर सिग्नलजवळ इंडियन बँकेजवळ अनंत गौरव चेंबर तिसऱ्या मजल्यावर सुरू असून चौकशीसाठी 7588188061/7588188062 या मोबाईल क्रमांकावर विद्यार्थी संपर्क साधू शकतात.
या कोर्सची वैशिष्ट्ये काय आहेत?
1) पूर्णतः मोफत प्रशिक्षण दिले जाणार आहे.
2) कोर्स पूर्ण झाल्यानंतर शासनमान्य प्रमाणपत्र दिले जाणार आहे.
3) स्वयंरोजगार निर्मिती संदर्भात मार्गदर्शन केलं जाणार आहे.
या कोर्ससाठी कोणती कागदपत्रे आवश्यक आहेत?
1) आधारकार्ड झेरॉक्सची 1 प्रत
२) पासपोर्ट साईज 2 फोटो
३) आठवी पास शाळेच्या दाखल्याची 1 झेरॉक्स प्रत
४) वयोमर्यादा 18 ते 45 वर्षे इतकी आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर.
आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
