दौंडमध्ये ‘या तारखेला’ होणार ‘मनोज जरांगे पाटील’ यांची जंगी सभा, तिसऱ्या टप्प्यातील दौऱ्याला सुरुवात…

पुणेरी टाइम्स टीम…

मराठा समाजाला सरसकट कुणबी प्रमाणपत्र देण्यात यावे तसेच मराठा समाजाला ओबीसी आरक्षण लागू करावे या मागणीसाठी मराठा योद्धा श्री मनोज जरांगे पाटील यांनी आंदोलनाचा लढा उभारलेला आहे, असे असतानाच शासनाने जरांगे पाटील यांच्याकडून मुदत घेऊन साठ दिवसाठी आंदोलन स्थगित केले आहे . असे असले तरी मनोज जरांगे पाटील यांनी उपचारातून बरे होताच तिसऱ्या टप्प्यातील दौऱ्याला सुरुवात केली आहे, या दौऱ्याच्या निमित्ताने जरांगे पाटील दौंड तालुक्यातील मराठा समाज बांधवांच्या भेटीसाठी व संवाद साधण्यासाठी दिनांक 16 नोव्हेंबर 2023 रोजी दुपारी दोन वाजता येणार आहेत अशी माहिती मराठा क्रांती मोर्चाच्या संयोजकांकडून देण्यात आली आहे. जरांगे पाटील यांच्या सभेचे स्थळ दोन दिवसात बैठक घेऊन तालुक्यातील समाजाला कळविण्यात येईल असेही यावेळी समन्वयांकडून सांगण्यात आले..