– महादेव जानकर यांचा बारामती लोकसभा मतदारसंघात जन स्वराज झंझावात, दौंड, बारामती, इंदापूर, पुरंदर मधील राजकीय समीकरणावर होणार परिणाम

निलेश जांबले, पुणेरी टाइम्स – दौंड
राष्ट्रीय समाज पक्ष, व माजी मंत्री महादेव जानकर आयोजित जन स्वराज यात्रेनिमित्त महादेव जानकर यांनी बारामती लोकसभा मतदारसंघात गाव भेट दौरा सुरू केला आहे. आज सोमवार दिनांक 28 ऑगस्ट 2023 पासून इंदापूर तालुक्यातील इंदापूर शहर, तरंगवाडी, निमगाव केतकी, वरकुटे, काटी, शहाजीनगर, लाखेवाडी, रेडणी,खोरोची, निरवांगी, निमसाखर, वालचंदनगर, कळस, लालपुरी, लासुर्णे, बोरी,काझड, भिगवण, मार्गे दौंड तालुक्यातील राजेगाव वाटलूच मलठण, काळेवाडी, बोरवेल, खोरवडी ,लिंगाळी, बोरावके नगर, दौंड शहर, बेटवाडी, पाटस, कानगाव, चौफुला, या ठिकाणी जन स्वराज यात्रेचा झंझावात दौरा होणार आहे.

बारामती लोकसभा मतदारसंघातील समस्या जाणून घेण्यासाठी माजी मंत्री महादेव जानकर आणि राष्ट्रीय समाज पक्ष यांच्या द्वारा जन स्वराज यात्रेचे आयोजन केले आहे.माजी मंत्री महादेव जानकर यांचा तळागाळातील असणारा जनसंपर्क जनस्वराज यात्रेच्या निमित्ताने आणखी मजबूत होणार असून आगामी काळात होणाऱ्या निवडणुकातील राजकीय समीकरणावर याचा परिणाम होणार आहे. त्यामुळे महादेव जानकर यांचा जन स्वराज यात्रेची अनेकांना धास्ती आहे…